أرجوك
كفايه ومتقولهاش انا همشي وابعد من نفسي
وسامحني لو قلّيت راحتك او يوم فرضت عليك نفسي
محتاج اقولّك كلمتين .. وبجد بعديهم همشي
واعذرني يعني عشان يمكن تسمعني بس ماتفهمشي
اصل الكلام ده فيه حاجات تتحس بس ماتتقالشي
جرّبت تعمل كل شئ علشان تحبب حد فيك
وتلاقي رد بيوجعك باين في كل كلامه ليك
بس انت عايش ع الأمل يمكن في مره يحس بيك
جرّبت لما تبصله تلقاه اوام يبعد عينيه
وتحس لما تكلمه ان انت حمل تقيل عليه
إحساس محدش يفهمه غير اللي حسه ومر بيــــه
جرّبت لما يكون حزين تبقى انت مش قادر تنام
وان حد قال انه اتجرح تلقى الدموع سابقه الكلام
هو يدوب يقول الـ آآه وانت اللي بتحس الألام
جرّبت تقبل كل يوم يجرح مشاعرك و يدوسها
عمال يحمّل قلبك لوم على كلمه مقدرش
يحوشها
جرب آلامي وابقى قول هتحس ايه لما تعيشهـــــا
دي
اغنية جربت لنادر نور
اما تسمعها بتتغنى تحس الموقف صعب اوي
هو فعلاً صعب جداً
صعب اوي ان حد يستحمل كل دا
وللأسف في ناس كتير عايشه كدا ومستحمله كل دا
من اصعب الحاجات فى الدنيا انك تحس انك بتحب حد وهو
مش بيبادلك حتى نفس الاحساس
تحاول تقربه ليك يبعد عنك اكتر
تحاول يحسسه بيك يجرحك ويجي عليك
تحس ان مجرد كلامك ليه متقل عليه وانو مش طايقك للدرجه
دي
وبردو انتا لسه بتحبه
لو هو حط نفسه مكانك هيقدر قيمة اللي انتا فيه
ويعرف اد ايه انتا بتحبه ومستحمله ومستحمل كل جرحه فيك
بس عشان انتا بتحبه
نا
بس عايزه اعرف اللي يحب بالشكل دا
يبقى مصيره ايه ؟!
تفتكرو ممكن اللي بيحبه دا يحس بيه ويحبه ؟
ولا خلاص كدا هيفضل متعذب ومجروح طول عمره ؟!
قولولي رأيكوا
انا بجد عجباني الاغنيه اوي
لانها بتوصف حالة ناس كتير