مش مستكتر قلبى عليك

مش مستكتر قلبى عليك


ولا مستخسر روحى الهايمه



فى بحر عنيك




دا بــ كل كيانى وقلبى ياعمرى



وروحى افديك



انا مش بهرب منك أبداً



اوقات ببعد عنِّك عمداً



أيوا هاقولك ببعد ليه



بعيش حالتين



حاله بعيشها وانا ويَّاك



وحاله بحلمى بيوم لُقياك



لمَّا بفكَّر



لمَّا بكون مع ليلى مسهَّر



وعقلى يجيب .. ويودى .. ويصوَّر



أجمل منظر



لمَّا القلب بيحضن قلبك



لمَّا بتهمس إسمى شفايفك



لما بحس برجفة دمِّى ورعشة صوتك



طول مانا جنبك



ومابنهداش غير بين احضانَّا



لمَّا بنسمع همس كلامنا



تنطقى اسمى وانطق إسمك



لمّا ايديك بتلامس إيدى


وبتتغير كل ملامحى ونبض وريدى





واكون ملتاع



ليه بتقولى ان انا طمَّاع



طب أيه يعنى



مانا غوَّاص وشفايفك بحرى



أوقات أخرج اهيم على شطِّى



وأرجع تانى أغوص ف القاع



زى الصائم



مابيهناش بلذة أكله



غير لو جاع



إهدى وروقى



وإتأكدى إنَّك ف عروقى



عندك دمَّى وعندك قلبى



وعندك روحى



عيشى اتهنِّى وسمِّى ودوقى



وفين ماتكونى وفين ماتروحى



مش ها ستكتر عمرى عليك




جمـــال نصر