مرة
واحد عندو مزرعة مربي فيها حيوانات ، بس كان في عندو صوص أزعر مجننو .. كل
ما يروح بيلاقيه عم يضرب الصيصان ! قام مسكووووو وحطو عند الدجاجات وسكر
عليه ؟! لما اجى تاني يوم لقى كل الجاجات منتف ريشن والصوص متربع بالنص !!
فراح ومسكوووووو ورماه مع الأفاعي والحيايا وقلو رح شوف شو بدك تعمل هلق !
ولما رجع تاني يوم لقى كل الحيايا مربطين بعض و الصوص ماسك حية وعم ينكش
فيها سنانووو !! فراح أخد الصوص عالصحرااا ورماه هنيك وقلوووووو رح شووووف
شو بدك تعمل هلئ ...؟ وبالليل وهو نايم صار ضميرو يأنبووووو صار يقول لحالو
هلق بيكون جوعان وعطشان وميت من البرد بكرا الصبح بدي روح جيبووو ولحقو
قبل ما يموت حراااااااام
وفي
الصباح الباكرررر حمل حالو وراح عالصحراااا وشافو للصوص مرمي عالأرض وكلو
غبرة وحالتو حالة (ولي علي عليه )قام ركض لعندوووووو وحملو وقلو يا صوص
سامحني لا تموت !! اجى الصوص قلوووووووو :

لك يا زلمة خربت الكمين يلي عاملووووو للصقور ....